Maske un psicologo ta hopi practico pa tin como amiga, pasobra e ta empatico, e sa scucha bon, e tin un bon comprondemento di comportacion humano, e ta hopi importante pa tur dos individuo sa di crea un amistad balansa. Esaki ta nifica evita e expectativa cu e psicologo constantemente lo ta den un therapeutic mode y percura pa e amistad ta reciproco na cual tur dos ta apoya otro.
Sabrina Sonensein ta elabora den Focus Digital Magazine di juni tocante e beneficionan pa tin un amiga sicologo y alabes cua ta e desafionan pa e sicologo. Entre e beneficionan pa tin un amiga sicologo ta cu nan ta entrena pa scucha di manera activo y atento. Nan tin un perspectiva unico y por trece dilanti solucion di sanacion. Nan ta compronde e diferente emocionnan
Entre e desafionan pa e psicologo ta e impulso pa analisa: E psicologo ta entrena pa observa y compronde comportacion. E por ta un proceso interno, y e no ta facil pa “switch off” e celebro analitico durante actividad social. E dificultad di ta vulnerabel: Tin un comprondemento profundo di vulnerabilidad psicologico ta haci’e mas dificil pa e psicologo di laga su guard down y habri su mes cu su amistadnan. E sicologo, Sabrina Sonensein, ta splica tocante ambos aspecto sea ora bo ta e amiga of ora bo ta e sicologo. E revista ta accesibel via Apple Store, Android Google Play Store y www.focus.aw (Menu Tab FOCUS DIGITAL)
