Desde e gran debut dia 22 di januari, The St. Regis Aruba Resort ta lidera un era nobo di luho na One Happy Island. Situa cant’i e santo blanco puro di Palm Beach cu bista panoramico di Mar Caribe, e resort ta mescla e herencia legendario di e marca St. Regis cu e hospitalidad, ritmo y beyesa vibrante di Aruba.
Conoci como House of Celebration, The St. Regis Aruba Resort ta un santuario di refinamento unda cada detaye ta significativo. E resort ta ofrece 252 camber bunita decora, incluyendo 52 suite espacioso, cada uno un escape trankil diseña pa un bida isleño eleva. For di e reflehonan na salida di solo te cocktailnan na bahada di solo riba e terasanan dilanti lama, cada momento ta sinti extraordinario.
Ritualnan caracteristico di e marca, ancra den tradicion atemporal, ta defini e esencia di e resort. Cada dia ta inicia y finalisa cu ceremonia, tradicion, cu a wordo imagina prome biaha pa John Jacob Astor IV, fundado di e St. Regis original na New York, awor reimagina a traves di un lens Caribense.
Segun anochi ta acercando, e huespednan ta reuni riba The Great Hall Terrace pa e Evening Ritual: The Art of Champagne Sabering, un celebracion teatral cu ta marca e transicion di dia pa anochi. E Bon Bini Mary, e bista unico di e resort riba e iconico Bloody Mary, ta ofrece un twist energico local perfecto pa e atardinan yen di brisa.
E tradicion di Afternoon Tea, inspira pa e encuentronan renombra di Caroline Astor, ta haya un florecemento Arubiano na The St. Regis Bar. Sirbi riba porcelana Ginori 1735, e ritual diario aki ta un escape elegante di extravagancia y refinamento.
Un Mundo di Sabor
Dinner na The St. Regis Aruba Resort ta un experiencia di sofisticacion global y inspiracion local. Na Akira Back, e chef aclama ta presenta un mescla autentico di sabornan Hapones y Koreano cu estilo internacional, sirbi den un ambiente impresionante riba 12 piso cu bista panoramico riba e lama.
Mainta na Eskama ta cuminsa cu un desayuno magnifico, mientras cu anochi ta revela e cushina Italiano elegante den un ambiente relaha, canto di lama. Nůba, situa banda di piscina, ta ofrece platonan vibrante y cocktailnan tropical ideal pa relaha den solo.
Grano Café ta capta e espirito di e isla cu koffie di calidad halto, pastry fresco y pasaboca. Na Sachi – A Taste of Welcome, e enfoke ta riba e arte di sushi y sake, mientras cu The St. Regis Bar ta transforma den e curason social di e resort, sirbiendo cocktailnan artesanal sofistica.
Bienestar & Excitacion
The St. Regis Spa ta ofrece tratamentonan personalisa inspira pa Caroline Astor su devocion na elegancia y bienestar. For di facialnan radiante te na ritualnan holistico, cada experencia ta restaura balans y briyo.
Segun ta birando anochi, excitacion ta spera na The Casino at The St. Regis, e prome den historia di e marca. Cu weganan clasico, slots moderno y ‘sports betting kiosks’, ofreciendo excitacion superior. Den cercania, Ventura ta sirbi coctailnan eleva y un coleccion di bourbon y whisky den un ambiente chic y energico.
Invitation Special na nos Comunidad
The St. Regis Aruba Resort ta duna un caluroso bonbini na nos residentenan pa disfruta di ofertanan exclusivo diseña cu bo den mente:
Executive Hour na The St. Regis Bar
Tur diarason y diabierna, 5:00 PM – 7:00 PM, disfruta un cocktail di cortesia cu compra di un cocktail, un platter di sushi artesanal pa solamente $20, musica en bibo for di 5:00 PM, y Evening Ritual pa 6:00 PM, perfecto pa encuentronan despues di trabou.
Executive Lunch na Eskama
Disfruta di un lunch exkisito pa $45 pa persona, di dialuna pa diabierna di 11:30 AM – 4:00 PM. Ideal pa reunionnan di negoshi of un break merdia cu estilo.
20% Local Dining Discount
Residentenan ta ricibi 20% di descuento den tur restaurant, incluyendo Akira Back, Eskama, The St. Regis Bar, Sachi, Grano Café, Nůba y Ventura. (Ta exclui otro promocionnan.)
Spa Experencia Supremo
Te cu augustus e localnan ta disfruta di 30% di descuento riba tur servicio di spa. For di masashinan personalisa te na facialnan di revitalisacion, cada tratamento ta ofrece un momento di luho infinito.
For di ritualnan caracteristico y restaurantnan exclusivo te na escapenan placentero di spa y experiencianan local, The St. Regis Aruba Resort ta invita bo pa Biba Exkisito den berdadero espirito Caribense y elegancia infinito cu solamente St. Regis por ofrece.
