Mirando creacion di FAIR BLVD riba red carpet na Cannes Film Festival tabata pa Anika Stevens un di e momentonan mas emocional di su bida. El a yora, pero no pasobra e diseñonan tabata djis bunita sino cu e momento ey tabata tur loke nan a traha p’e. Hopi biahe, reto, duda, creencia y historia representa den un solo momento. Ora Anika a cuminsa traha cu e comunidadnan indigena semper e tabata kier a trece nan arte riba escenarionan mundial.
Pa tin piesanan di FAIRBLVD riba red carpet na Cannes Film Festival no tabata djis trata di Anika Stevens sino di e mundo cla pa ricibi loke nan tabata trahando riba dje. Mirando e indigenanan reconecta cu nan cultura y identidad ta un gratificacion profundo. E tabata kier crea un espacio cu ta celebra nan arte unico. Y nan a logra na Cannes Film Festival cu a duna nan e reconocemento aki.
Pa e historia tras di e piesanan unico aki ser admira y honra ta un sintimento magico pa Anika Stevens. E berdadero luho ta afectivo, sostenibel y hancra den beyesa cu ta honra su origen. Cannes Film Festival a marca nan prome look completo, un piesa special cu ta representa realesa den tur sentido. E look aki a trece diferente mundo hunto. arte, beyesa y almanan bunita di regionnan leu a bini hunto den un solo expresion poderoso.
Den Focus Digital di augustus, Anika Stevens ta comparti su experiencia despues di 2 aña di a lansa Fair Blvd, cu ta representa e punto di encuentro entre tradicion, arte moderno y reconocemento mundial. E revista ta accesibel via Apple Store, Android Google Play Store y www.focus.aw (Menu Tab FOCUS DIGITAL)
