Tin biaha nos ta kere cu tin un cas bon decora ta significa gasta hopi placa. Pero e berdad ta cu e detayenan chikito por haci tur e diferencia entre un espacio cu ta sinti cozy, elegante y cuida, y uno cu sin kier ta transmiti descuido of un estilo no actualisa.
Den e seccion di Home Trends den Focus Digital Magazine di e luna aki, Dalia y Rayson Semeleer di Dalia Interior Design Studio, ta splica cua ta e elementonan decorativo cu ta kita balor visual na bo hogar… y kico bo por haci pa eleva bo cas sin gasta un fortuna.
Cu ilustracion bon escogi nan ta mustra y splica cua ta e estilo di cortina, cusinchi decorativo, paña di cama, luz y vloer of muraya, cu pa mas popular cu nan ta mustra ta haci bo cas mustra barata. Y nan no ta papia solamente di e parti economico, sino di loke e decoracion ta transmiti ora tin exceso, desbalansa of materialnan di poco calidad.
Decora no ta un competencia pa tin e mas caro sino un arte di eligi cu intencion. Revisa bo cas, observa loke bo tin y cuminsa pa cambia e detayenan chikito cu ta mustra druk. E revista ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
