Cora ta Nohely su color faborito paso e ta representa p’e bida y energia, pero igualmente e ta refleha elegancia. E ta describi su mes como un persona hopi expresivo den su forma di papia, hari y bisti. Pa e look pa celebracion di su 40 cumpleaños su outfit a expresa briyo, paso Nohely ta stima carnaval.

Su fiesta tabata mas cu djis un cumpleaños, e tabata un celebracion di amor, autenticidad y cu e mensahe pa biba manera bo mes compartiendo sin limite. Un sorpresa manera un cuenta di hada, dificil pa splica con intenso e tabata sinti momento cu Roderic Illes a bay na rudia pa pidi Nohely Sanchez pa ta su esposa. Un celebracion di cumpleaños a converti den un compromiso y matrimonio riba mesun anochi.

Nohely y Roderic a conoce otro na augustus 2004 na Colegio Arubano ora ambos a resulta den mesun klas hunto den V6. Nan tabata amigo pa lunanan largo y tur caminda nan tabata hunto sea ta studiando, train, sali, carnaval y por a papia di tur cos cu otro. Na 2005 nan a separa ora Roderic a bay Hulanda pa studia y e aña siguiente Nohely a bay Hulanda, unda nan tabata hunto durante 3 aña.
Ora Roderic a keda cla cu su estudio, el a bin Aruba bek pa traha y Nohely a keda Hulanda pa termina su estudio. Nan tabata bay-bin entre Hulanda y Aruba mientras cu Nohely tabata finalisa su grado. Desde 2013 cu Nohely a bolbe Aruba nan no a separa mas y a sigui construi nan bida hunto cual awe nan ta disfrutando hunto cu nan dos yiunan; Khai y Nyah Illes, cu ta frutonan di nan amor.

Nohely tabata feliz y alabes nervioso celebrando su 40 cumpleaños. Sinembargo hopi ansioso pa comparti cu tur su hendenan su mensahe. E ta un persona cu ta stima organisa get togethers na cas y semper celebra cada momento. Pero pa su 40 cumpleaños e kier a celebra en grande, baila, gosa y comparti principalmente amor cu tur su hendenan.

Den Focus Digital Magazine di e luna aki, Nohely ta describi den palabra di e emocion cu el a sinti na momento cu Roderic a propone y a seya nan union mesun anochi. E tabata un sorpresa manera den un cuenta di hada y hopi surreal pa Nohely. Lesa mas detaye den e revista cu ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)

The POV