Pensando con bo por scoge bo biahe haciendo algo out of the box y cu no ta costa hopi placa.
Intercambio di cas
Bo por scoge pa no paga hotel of huur, pero haci un intercambio di cas. Paga hotel of hasta airbnb por ta caro, pues algo cu bo por haci cu ta on a budget ta haci intercambio di cas ora bo biaha.
Biaha manera un local
Bo por scoge tambe pa no haci uzo di taxi of uber, pero bay un vakantie estilo comosifuera bo ta biba eynan. Bo por escoge pa cana si no ta leu of kisas loke e localnan ta uza como transporte. Esaki tambe lo pone bo gasta menos placa na transporte cu tin biaha por ta caro.
Anto imagina un vakantie estilo workation
Bo ta mix e trabou hunto cu bo biahe. Loke bo mester percura ta cu e pais tin bon wifi caminda bo por traha si bo trabou ta permiti esaki. E out of the box ta cu bo por keda mas largo cu 1 siman of 2 siman cu bo sa bay cu vakantie. Bo ta trahando y gosando na mesun momento.
Loke bo por haci ta busca un pais cu e pasashi no ta hopi caro. Bo tin e luho tambe di scoge e periodo cu bo ta bay. Paso tin periodo cu e pasashi no ta hopi caro.
Bo ta gusta semper tin e control?
Imagina bo laga un agencia di biahe scoge un biahe pa bo, planea esaki y bo ta haya sa na aeropuerto unda bo ta bay y kico bo lo bay haci. Bo por presupuesta for di antemano cuanto placa bo ta dispuesto di gasta pa un vakantie asina. Bo ta pidi e agencia pa planea bo vakantie den bo budget.
“E lo ta un poco challenging of no? Pero nos tin un bida. Ban gos’e y bib’e.” Tur luna Cristina Tromp di Balor Balor Consultancy & Consultancy ta comparti conseho den Focus Digital Magazine tocante con pa maneha bo presupuesto. E revista ta accesibel via Apple Store, Android Google Play Store y www.focus.aw (Menu Tab FOCUS DIGITAL)
