Pa e luna di september tin dos diferente portada ilustrando Focus Digital Magazine. E prome ta Nicole Peiliker Visser cu ta e candidata di mas edad cu ta bay competi den e certamen di Miss Universe 2025. E beyesa di 42 aña lo bay conkista e escenario internacional na Thailand representando su isla Bonaire. E lo bay demostra cu beyesa y pa logra bo soño no tin limite di edad. Nicole su bos ta bay bira su poder, su historia ta bira su herencia y su presencia ta bira su mensahe: “Nunca ta mucho laat pa lanta, briya y inspira. Su cuater yiunan a bis’e pa sigui su soñonan y e ta agradicido na su casa pa permiti e oportunidad aki cual ta un biaha den bida.
Nicole Visser a casa cu Jonathan Peiliker na aña 2009 unda Focus tabata invita na e celebracion matrimonial aki, cual tabata un di e fiestanan di bruid mas espectacular celebra na Bonaire. E union aki a wordo bendiciona cu cuater yiu: Alexa (15) Alina (13), Aria (10) y Jonathan (8). Nos a yega di conta hopi storia di e yiu muhenan siguiendo e pasonan di nan mama pa competi den certamennan di beyesa. Den e caso aki ta Alexa y Aria a inspira Nicole pa competi den certamen di Miss Universe Bonaire 2025. Aria a gana na Colombia e titulo di Mini Miss Universe 2025 y Alexa ta compitiendo pa Miss Teen Bonaire 2025.
Nicole Peiliker su sentimento pa ta e prome candidata riba 40 aña participando pa Miss Universe ta surrealista door cu e tabata kier esaki mas cu 20 aña pasa. Su mayornan y wela no tabata gusta henter e mundo di certamen e tempo ey, pues nunca el a participa. Nicole ta kere firmemente cu e tempo di Dios ta perfecto y e ta conta mas detaye den su entrevista. Focus Digital Magazine ta accesibel via Apple Store, Android Google Play Store y www.focus.aw (Menu Tab FOCUS DIGITAL)
