E impacto cu e cancion salsa “Sin El” a causa ta pa Karena Maduro un sensacion di gratitud, felicidad y mas forsa pa sigui. El a bin ta desaroya di un cantante ocasional di karaoke pa un entertainer y cantante di profesion, cu hopi mas confiansa den su mes. Siñando e importancia di no solamente interpreta un cancion, pero tambe pa transmiti, conecta y duna e publico prioridad. Karena su carera artistico ta den constante desaroyo cu cada bes algo nobo.
Sinembargo e acogida ricibi di su ultimo cancion salsa “Sin El” y interes internacional ta algo cu e no a experiencia te cu awor. Si Karena por presenta mayan na cualkier parti di mundo, e lo por flip un moneda entre Colombia, specificamente Cali cu ta e cuidad de la salsa y Republica Dominicana cu actualmente ta e pais cu ta produciendo gran cantantenan salsero. E ta e pais cu te cu awor mas promotor a interesa pa traha cu ne.
Den Focus Digital Magazine di september, Karena ta conta cu despues di ‘ups and downs’ sentimental awor su curason tin nomber y fam pa casi un aña y mey caba! Lesa mas detaye den e revista cu ta accesibel via Apple Store, Android Google Play Store y www.focus.aw (Menu Tab FOCUS DIGITAL)
