E cuater pilarnan aki profundamente conecta cual ta bienestar, salud, beyesa y turismo ta dirigi nan mes riba e beneficionan pa e salud fisico y mental. Tin paisnan cu ta concentra riba turismo di bienestar caminda bo por practica entre otro; yoga, meditacion of experiencia e naturalesa di e pais. Tin cu ta ofrece e servicio di conoce e pais combina cu tratamentonan di beyesa.
Dos factor importante pa un tipo di vakantie asina ta planeamento y e placa. Tin paisnan cu bo por haci test mas accesibel pa salud y na un prijs rasonabel compara unda bo ta biba. Pero mester tin e placa pa haci esaki.
Bo tabata sa cu hasta bo por haya diferente guia? Manera di lifecoach, dietista, specialista, etc… di forma virtual? Pues bo no mester biaha bay e pais y bo por paga pa consulta cu por sali mas economico.
Bo salud mental y fisico ta hopi importante, p’esey nos no por yame mas un gasto awendia. E ta inversion den bo mes y bo por haci’e con costoso of special cu abo kier. Basta cu tin e placa p’e. Esaki ta yuda tambe pa nos balora loke nos tin den nos propio pas. No tur hende kier of por biaha. Na Aruba tambe nos tin cosnan pa haci ‘on a budget’ manera bay lama cu ta gratis.
Den Focus Digital Magazine di e luna aki Cristina Tromp di Balor Consultancy & Consultancy ta elabora riba tur kico mester tene cuenta cu ne ora ta trata e gastonan pa un vakantie di bienestar, salud, beyesa y turismo. E revista ta accesibel via Apple Store, Android Google Play Store y www.focus.aw (Menu Tab FOCUS DIGITAL)
