Construi un cas ta un di e proyectonan mas emocionante y na mesun tempo mas complica den bida. Hopi hende ta cuminsa sin sa cerca ken acudi prome, loke ta causa retraso, gastonan extra of resultado cu no ta cumpli cu e expectativanan.
Den e seccion di Home Trends den Focus Digital Magazine di e luna aki, Dalia y Rayson Semeleer di Dalia Interior Design Studio, ta duna un guia cu ta mustra bo, paso a paso, cua profesionalnan bo mester den cada etapa y con entre nan ta complimenta otro.
E prome aliado ta e arkitecto ken ta e base di e proyecto. E ta traduci bo ideanan den un mapa sigur, funcional y aproba pa e normanan local. Aki ta defini distribucion, estilo general y structura di e vivienda. Sin un bon arkitecto, e resto di e proyecto por tambalea.
E di dos ta e diseñador di interior cu ta pensa con bo ta bay biba. Unabes bo tin e mapa y structura, e diseñador di interior ta haci su entrada. Su trabou no ta pa “decora”, sino crea espacionan practico, comodo y estetico: distribucion di e mueblenan, iluminacion, palet di color y materialnan.
Construi un cas no ta solamente lanta muraya… ta lanta soñonan. Sa cerca ken acudi den cada etapa ta sigura un caminda mas cla, ordena y cu menos stress. Y principalmente, un resultado cu realmente ta refleha loke semper bo a imagina.
E otro tres personanan clave cu ta fungi como e brug entre loke bo ta imagina y loke den realidad lo bay funciona por lesa den e revista, cu ta accesibel via Apple Store, Android Google Play Store y www.focus.aw (Menu Tab FOCUS DIGITAL)
