Danna Garcia & Ibian Hodgson ta caracterisa e celebracion di nan enlace matrimonial na Colombia como magico. E tabata tur loke nan a soña rondona pa e hendenan cu ta stima nan como tambe anan ta stima. Riba e dia di casamento Ibian tabata entusiasma cu e sorpresa cu e tabatin pa Danna mientras e tabata preparando hunto cu su bruidsmeisjes pa e ceremonia. Danna a luci precioso den su shimis di bruid cu a complimenta e beyesa di Aruba su Miss Universe 2019. Actualmente e ta un nurse cu 4 aña di experiencia y studiando pa specialisa como POH y lo gradua na 2027. Ibian ta co-fundado di Suave, cu ta un Caribbean fintech transformando con hende ta cumpra y paga cu flexibilidad.
Danna & Ibian a haci un brindis despues di nan matrimonio civil na Aruba unda nan a pasa bon cual pa ambos tabata e parti mas importante. E destination wedding tabata consisti di dos dia, cual e prome dia nan a invita e invitadonan na Valle del Cocora. E casamento tabata na un hacienda y tur cos tabata magico. Prome tabatin e ceremonia y despues a sigui un dinner, algun speech y fiesta. E balornan cu ambos ta comparti pa tin un matrimonio feliz ta respet y honestidad cual ta nan dos pilarnan. Honestidad ta crea confiansa den un relacion y ta evita jaloersheid y insiguridad, cu lo por causa problemanan no desea. Respet den nan limite, nan pensamentonan cu no tur ora ta mescos, esey ta yuda nan pa por tin un bunita bond di amor.
Den Focus Digital Magazine di december, Danna & Ibian ta comparti detayenan di unda nan a conoce otro y kico a pasa riba nan segundo cita. E dia cu Ibian a compromete cu Danna y kico tabata su reaccion e momento ey. E revista ta accesibel ‘gratis’ via Apple Store, Android Google Play Store y www.focus.aw (Menu Tab FOCUS DIGITAL)
