Radisson Blu Aruba ta orguyoso di anuncia cu su Gerente General, Luigi Wix, a wordo honra cu e premio como “General Manager of the Year Award by Choice Hotels International”, reconociendo su liderazgo excepcional y su excelencia operacional den henter Caribe y Latino America. E premio a wordo presenta durante e convencion inaugural di Powering the Future – Choice Hotels CALA na Cancún, Mexico, un evento cu ta celebra innovacion, servicio y rendimento den henter e region.
E reconocimento prestigioso aki ta resalta e guia excepcional di Sr. Wix y e dedicacion di Radisson Blu Aruba su team totalmente local, cual nan compromiso consistente cu excelencia a brinda experiencianan extraordinario na e huespednan. Bou di su liderazgo, Radisson Blu Aruba a gana varios honor denter di e network di Choice Hotels, incluyendo Best of Choice Award 2024 y Ring of Honor 2025, consolidando mas ainda e hotel su posicion como un destinacion premier pa e biaheronan cu ta busca luho, autenticidad y servicio di clase mundial.
Durante e convencion, Sr. Wix tambe a participa den un panel di Gerentenan General distingui, compartiendo bista riba maneho di entrada, excelencia di servicio, lealtad di huesped y strategianan pa crea experencianan memorabel y digno di ripiti pa huespednan. Su liderazgo a posiciona Radisson Blu Aruba como e ‘top performer’ di REVPAR den e region di CALA, cual tabata un di e motibonan clave cu el a wordo selecta pa hiba palabra den e panel y reconoci entre e mihonan den e network.
“Luigi su liderazgo a transforma Radisson Blu Aruba den un di e hotelnan di miho rendimento den e region,” asina Shareska Gutierrez, Director of Commercial Strategy Director, a afirma. “E reconocimento aki ta refleha su vision y e forsa di nos team completamente local, cu ta aborda hospitalidad diferente door di celebra loke ta autentico, local y ta unico di Aruba. Nos ta increiblemente orguyoso di por celebra e logro aki y ta ansioso pa loke ta bin siguientemente.”
Radisson Blu Aruba ta sigui pone e standard pa acomodacionnan luhoso, servicio personalisa y experiencianan inolvidabel, reflehando e miho di Aruba riba e escenario mundial. Pa mas informacion of pa haci un reservacion na e hotel premia aki, bishita www.bluaruba.com or https://www.choicehotels.com/AW007.
