E carera artistico di Magy Marin a bay tremendamente bon e aña aki. For di inicio di 2025 cu e cancion “Ready fuh D’ Road” presenta den Festival di Soca, cual a wordo hopi bon acepta, solicita y baila durante carnaval. Magy hunto cu Avanti a lansa tambe e produccion “Bay laga mi” composita pa Thahviv Mathilda y aregla pa Derryl ‘Titi’ de Palm. E tabata un experiencia super great di a traha cu talentonan grandi asina den e mundo musical. E cancion aki a ricibi un super acogida y pa Magy e ta un satisfaccion como hende muhe principalmente door cu no tin hopi cantante femenino den e bandanan musical.
Tempo Magy tabata chikito el a forma parti di Coro Tuti Fruti hunto cu Maybeline, despues el a canta den gaita cu Gaita Espectacular y Gaita X-clusivo. Di un of otro forma semper e tabata activo den e mundo musical. Magy a canta tambe back up vocal durante carnaval pa BMW y el a forma parti di bandanan manera Search, Impak y actualmente Avanti. E aña aki Magy a cumpli cu su meta cual ta pa tin su propio negoshi “Astra Entertainment Group” cu ta enfoca den zonido y entretenimento pa evento den area turistico. Magy ta tambe den e industria musical hotelero, unda e ta canta na diferente resort of eventonan special.
Te cu awor e ta un experiencia fantastico pa Magy formando parti di Avanti, pasobra e ta siña conoce personalidad di mas hende trahando hunto den banda. Den corto tempo nan a biaha como banda y a participa na Festival di Soca cual a bay exitoso. Ta cosnan positivo so e por bisa te cu awor. Magy lo no cambia nada di 2025, paso e ta kere semper den confia den e proceso y ta confia cu tur cos lo cana bon na final. Lesa mas di Magy Marin den Focus Digital Magazine di december, cu ta accesibel ‘gratis’ via Apple Store, Android Google Play Store y www.focus.aw (Menu Tab FOCUS DIGITAL)
