Como ser masculino cu a pasa 50 aña di edad, Isaï Labadie a wordo inspira pa participa den un competencia inclusivo pa demostra kico e por y no bis’e solamente riba papel. E ta real unda empatia y amor a wordo transmiti na cada momento. El a sinti’e integra y respeta caminda su bos a wordo scucha y ta un inspiracion pa haci algo otro pa e ser cu tin un enfoke adulto. Pa promove salud mental, specialmente pa algun cabayero cu pa añanan no a logra haci algo pa motibo di miedo pa no wordo inclui door di nan edad.
E logro como Mr. Universe International Continente Caribe ta representa pa Isaï e union di tur e islanan di Caribe. E integracion completo paso e titulo aki ta wordo otorga pa motibonan extraordinario di compromiso pa ta e bos pa causanan beneficioso y ta na servicio pa su pais y e region completo. E ta considera e premionan cu el a logra como un sorpresa, paso tabatin excelente candidatonan cu tambe por a logra esaki pa nan pais. E oportunidadnan tabata grandi y el a disfruta di cada momento. E gratificacion di un trabou bon haci ta refleha riba cada titulo cu Isaï Labadie a trece pa Aruba.
Isaï Labadie ta actualmente na Panama como parti di su compromisonan, unda awe el a bay un Pueblo cu yama KUNA NEGA hunto cu Sauting Osang, director Mr. Universe International, y Andres Nunes, Mr. Teen Universe. Nan a entrega 300 regalo mas juice y buscuchi na e muchanan. E experiencia aki pa Isaï Labadie ta straño pasa dianan di fiesta leu for di cas, pero haciendo un labor asina bunita ta compensa tur cos door di haci otro feliz!
Prome cu Isaï a biaha el a ricibi un reconocemento di Prome Minister di Aruba, Señor Mike Eman, cual e ta bisa ta hopi aprecia.
Den Focus Digital Magazine di e luna aki por lesa di tur e desafionan di Isaï Labadie prome cu el a sali rumbo pa Panama. E revista ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
NATIONAL COSTUME WINNER 🏆
SOCIAL MEDIA WINNER 🏆
5th R-UP MR. UNIVERSE INTL 🏆
MR. UNIVERSE CARIBBEAN 2025🏆
