Bo ta prepara bo mes pa asina habri un Aña Nobo financieramente sano? Fin di Aña ta e momento perfecto pa para keto un rato pa loke ta trata bo finanza. Maske cu e temporada aki ta bin cu su gastonan, e ta duna bo tambe e chens pa pone bo presupuesto na ordo. Di e forma aki bo ta cuminsa aña 2026 financieramente prepara y fuerte.
Tur luna Cristina Tromp di Balor Consultancy & Consultancy ta comparti conseho den Focus Digital Magazine. Den e edicion di december e ta mustra den cinco paso facil con pa traha un presupuesto sabi pa Fin di Aña. E prome conseho ta pa evalua bo gastonan di henter e aña aki y si por di aña pasa tambe.
Bo ta haci esaki door di bay check bek por ehempel den bo bank statement. Categorisa bo gastonan y debenan. Unda mas di bo placa a bay? Tin abonement of servicionan cu bo no kier uza mas? Of cu si bo lo kier uza? Pa motibo di tin un bista den bo entrada, gasto y debenan bo por haci un escogencia mas consciente pa cu bo presupuesto.
Un otro conseho ta pa planea bo gastonan fiho, pero tambe esun cu no ta mensual. Den bo presupuesto skirbi loke ta bo gastonan fiho manera huur/hypotheek, compras etc. Sigui tur e consehonan valioso di Balor Consultancy & Consultancy Cristina den e revista cu ta accesibel via Apple Store, Android Google Play Store y www.focus.aw (Menu Tab FOCUS DIGITAL)
