Con bo ta planeando pa celebra Aña Nobo e aña aki? Mientras cu ta haci resolucionnan y ta organisa fiestanan pa habri Aña Nobo, cu ta clasiconan atemporal, tin henter un mundo di tradicionnan di Aña Nobo cu por haci bo celebracionnan mas memorabel ainda. For di ‘popping’ champagne mey anochi te na comparti cuminda di suerte cu ta destina pa trece salud, amor y prosperidad, cada cultura tin su mes manera pa ring den e Aña Nobo.
Na algun pais, e hendenan ta come 12 druif ora 12or bati – uno pa cada zonido di holoshi – pa suerte, mientras cu otronan ta bula riba shete ola pa e bon fortuna cu ta dificil pa gara. Y despues tin e tradicionnan relaciona cu pronostica futuro, haci bo deseonan bira realidad, core cu spiritonan malo y mas. Pues e aña aki, dicon no tuma inspiracion for di custumbernan rond mundo y tin un miho Aña 2026!
Lesa pa wak cua di nan ta lanta bo interes y agrega algo berdaderamente inolvidabel na bo celebracion. Ken sa – e por hasta bira un tradicion anual pa bo famia!
Jump for di mueble
Na Portugal e hendenan ta bula literalmente den Aña Nobo. Segun e holoshi ta bati mey anochi, ta tradicion pa bula for di un stoel (of cualkier mueble den cercania) pa simbolisa lagando e aña bieu atras.
Cende lampi di azeta
Ta un tradicion di Aña Nobo na India pa cende lampi di azeta pa simbolisa invitacion na speransa y positividad den e aña benidero – similar na con nan ta celebra Diwali. E briyo ta representa comienso nobo y triunfo di briyo riba scuridad.
Bula riba shete ola
Bo ta gusta beach? Tuma un bista di e tradicion di Aña Nobo na Brazil. Nan tin e creencia cu bo suerte lo subi si bo bula riba shete ola mientras bo ta surf. E shete olanan ta representa e spiritonan divino di e religion Umbanda.
Bisti paña cu balabala
Trece bon fortuna door di sigui e tradicion festivo aki di Filipina. Nan ta kere cu bisti paña cu polka dots lo aumenta suerte pa e aña benidero. Pues saca bo outfit mas stylish cu balabala y prepara pa atrae algun extra bon vibra.
Paña interior codificada pa color
Na hopi pais di Latino America tin e pensamento cu e color di paña interior ta forma bo destino pa e aña benidero! Cora ta simbolisa amor, geel ta trece suerte y blanco ta invita paz. Sea intencional cu bo escogencia – bo ‘underwear’ por pone e tono pa 2026!
Tira awa for di bentana
Na Puerto Rico nan ta kere cu tira un baki di awa for di bentana lo core cu spiritonan malo cu ta keda di e aña bieu. Pa trece bon suerte, sprengo un tiki sucu pafo di bo cas. E ta un limpiesa y dushi comienso di aña.
Kima y bebe bo deseonan
E Rusonan tin un manera unico pa haci nan deseonan di Aña Nobo bira realidad. Nan ta skirbi nan deseo riba un pida papel, kim’e y mescla e shinishi den nan champagne. E triki? Tur cos mester sosode entre e prome y ultimo stroke di mey anochi.
Disfruta un fiesta cu champagne
Na Francia bispo di Aña Nobo ta wordo referi como “Réveillon de la Saint Sylvestre”. E celebracion ta cuminsa cu un brindis di champagne y foie gras. Ta baila, fiesta y pasa rond ‘quotes’ di Aña Nobo. Bebemento di champagne riba Aña Nobo ta un tradicion popular cu a bira mundial awendia.
Limpia bo Cas
E frase “pafo cu e bieu, drenta cu e nobo” ta resona na varios pais rond mundo. De facto, e tradicion di Aña Nobo aki ta un manera simbolico pa cuminsa un aña nobo riba un nota positivo – y cu “limpi” kiermen tur split y skina di cas.
Wak e ‘ball drop’
Miles of hasta miyones ta reuni na Times Square na New York y dilanti di nan pantayanan di television pa ta testigo di iconico ‘ball drop’. E temperatura friu no ta stroba pa yama bonbini na Aña Nobo den curason di e ciudad.
Kibra Tayo
Den tur cas tin algun plato y copi cu aunke nan ta bon ainda toch nunca ta wordo uza. Na Dinamarca e hendenan sa con pa haci bon uzo di nan. Nan ta kibra nan contra e porta di cas di nan amigonan pa aleha mal spirito y yama bonbini na vibracionnan mas alegre memey di caos.
Sea exigente ken ta bo prome huesped
Ken ta e prome persona pa bati na bo porta dia 1 di januari? Na Schotland, Isle of Man y algun region Nort di Inglatera, “prome pia” ta wordo practica y confia. Aki nan ta busca un homber halto y scur pa ta e prome persona pa drenta nan cas Aña Nobo. Hopi biaha e tin regalonan specifico manera salo, shortbread, whiskey of cuminda tradicional di Aña Nobo – pa bendiciona e cas cu suerte pa e proximo 12 lunanan.
Sigui tur locual ta interesante y cu ta tendencia den Focus Digital Magazine, cu ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
Fuente: Reader’s Digest
Autor: Kelly Bryant
