E atraccion di Thixianne Wever pa un carera den benta y mercadeo ta door cu semper el a haya cifra y tur loke tin di haber cu mercadeo hopi interesante. E ta traha como “Sales & Marketing Coordinator” na Compra N.V. y ta un “part time lecturer” na Universidad di Aruba, unda e ta yuda coordina e modulo Proyecto Social. Thixianne ta keda motiva den su trabou door di intercambio di informacion y ideanan cu otro profesionalnan, lesa relatonan, sigui diferente plataforma online of curso. Durante ora di trabou cu coleganan, studiantenan, famia y amistadnan. Su filosofia profesional den un frase ta: “Duna tur cu tin!”
Un persona trankilo, lief, balente y gusta yuda ta e manera con Thixianne ta caracterisa su mes. E tin 34 aña di edad, el a lanta den districto di San Nicolas cu su mama Anchie y ta expresa cu hopi orguyo: “Mi mama, mi wes’i lomba”. E ta mama di 2 yiu -1 prins y 1 prinses – y desde october 2025 ta felizmente casa. Thixianne su estilo di bida ta uno normal, simpel, nada out of this world, pero si hopi ocupa. Aunke e dianan por ta yena cu yen di cos pa keda cla cu ne, e ta haci tur cu tin pa tin tempo pa su mes y tambe pa crea momentonan di calidad cu su famia. E ta purba mantene un balans entre trabou y bida personal, paso ambos p’e ta hopi importante.
Locual pa Thixianne ta haci e area di benta y mercadeo interesante ta debi cu e ta hopi amplio, e no ta bira monotono, paso tur dia ta diferente, tur dia ta siña algo nobo. Constantemente ta amplia bo conocemento, loke p’e ta algo hopi importante. E gusta con e ta “pick bo brain”, paso bo tin pa analisa, pensa strategicamente, busca solucion creativo y ta handson. Tur dia ta diferente y yen di reto nobo y esey ta loke ta haci e trabou interesante. Den Focus Digital Magazine di maart, Thixianne ta comparti cua habilidad of custumber ta esensial pa tin exito den e trabou di benta y mercadeo. E revista ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
