E ta traha di materialnan natural manera stro, e tas ta transmiti un atmosfeer caluroso cu ta pas perfectamente cu dianan di vacacion na beach. Danki na su tamaño XL, e ta ofrece mas cu suficiente espacio pa tur bo cosnan esencial pa beach, for di un serbete grandi te na bo buki faborito. E crochet grof y cu golf ta duna e acesorio un textura bunita y un refleho unico. E no ta solamente un “compañero” increiblemente practico pa un dia na beach, pero tambe un “eye-catcher” cu ta trece e maximo sintimento di relahacion isleño na cas.
Carson Puffy
E regreso di e carson puffy ta e mescla perfecto di comodidad y elegancia high-fashion manera e carsonnan blanco-creme ilustra aki. Danki na e tela cu fluidez y plisa, e pieza ta adkeri un texurta bunita y dinamico cu ta move harmonioso cu cada paso. E detaye mas yamativo ta e silueta ‘balon’ voluminoso, cu ta cera bunita na e parti abou. Net ey tin ruffles den capa cu ta dorna e enkelnan, agregando un toke romantico y dibertido. Sea bo ta bay sinta riba un terasa of un dinner chic, bo ta garantisa di catch tur mirada.
Butter Yellow
Ta e color di tendencia di momento, no nobo pero haciendo un regreso pa e zomer aki. E ta agrega instantaneamente un energia fresco na bo cashi di paña. E tono geel suave y cremoso aki ta e alternativa perfecto pa color blanco of neon briyante. Bo ta mira e color absolutamente tur caminda durante e temporada aki, for di bisti di seda cu fluidez y saya elegante te na blazers casual oversized. Cu un pieza den e color suave manera e manteca aki, bo ta transmiti luho puro y elegancia refina.
Sea bo ta mesclando color, textura, kibrando reglanan of descubriendo bo silueta caracteristico, corda cu moda no ta tocante di sigui tur tendencia, pero pa sa di bisti cu proposito y biba bunita. Den Focus Digital Magazine e fashionista, Swesdy Beeldsnijder, ta trece den su segmento mensual “InStyle” loke ta resalta riba e escenario di moda globalmente. E revista ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
